Obradoiros en galego para colexios, ANPA e librarías

Que di esa mensaxe secreta? Que combinación abre o cadeado? Nos obradoiros de Pidopapas, cada equipo descifra códigos e comparte pistas para resolver o misterio.

Para centros educativos, ANPA, librarías e entidades. Levo os materiais, dinamizo a actividade e adapto as probas á idade do grupo.

Breixo explica unha proba dun obradoiro de Pidopapas nunha aula

PARA ORGANIZARVOS

O esencial, dunha ollada

Ti reúnes o grupo. Eu preparo os xogos, levo os materiais e guío a actividade.

IDADES

Infantil, Primaria e ESO

Actividades distintas segundo o curso, a idade e a autonomía do grupo.

DURACIÓN HABITUAL

45–60 minutos

Algúns escape rooms precisan 60–90 minutos. A duración concrétase na proposta.

GRUPOS

Arredor de 30 alumnos

Como referencia nos centros educativos. Para familias ou librarías, concretamos o tamaño do grupo e as quendas.

MATERIAIS

Incluídos na actividade

Levo as fichas, pistas e códigos; tamén as caixas e os cadeados cando o xogo os precisa.

DESPRAZAMENTO

Desde Cangas a Galicia

O desprazamento valórase segundo a localidade. Podemos coordinar varias sesións ou centros da mesma zona.

ESPAZO

Cóntame con que contades

Aula, biblioteca, sala ou pavillón: concretamos o espazo segundo a actividade e o tamaño do grupo.

AS PROPOSTAS

Un xogo para cada grupo

Non tes que escoller agora. Cóntame as idades e recoméndoche o formato.

INFANTIL E PRIMEIROS CURSOS DE PRIMARIA

Xogos para peques

Probas visuais, observación e vocabulario, con acompañamento para quen aínda non le con autonomía.

Desde os 3 anos. Para familias tamén hai a proposta «A fábrica das mensaxes secretas», de 4 a 6 anos.

45–60 minutos

PRIMARIA E ESO

Creación de enigmas

O grupo aprende a crear códigos e mensaxes secretas para que outras persoas os descifren. A dificultade axústase aos cursos.

Unha proposta para pensar, escribir e compartir pistas en galego.

45–60 minutos

PRIMARIA E ESO

Escape room en equipo

Os equipos interpretan pistas, resolven retos de lóxica e buscan a combinación que abre a caixa final.

Con caixas e cadeados de verdade, cando o formato o require.

60–90 minutos, segundo o formato

Un equipo compara fichas impresas e códigos para resolver un enigma

Unha aventura no monte Lobeira

No obradoiro preparado para o IES Faro das Lúas, un trasno deixa pistas e trampas polo monte. Para superalas, o alumnado interpreta símbolos, pon en común as pistas e abre unha caixa con cadeado.

Coñece o escape room do IES Faro das Lúas

Obradoiros para librarías

Queres organizar unha actividade infantil na túa libraría? Podemos preparar un xogo de pistas ou un obradoiro de enigmas en galego e vinculalo a unha presentación dos cadernos de Pidopapas.

COMO CONTRATAR

Así preparamos o teu obradoiro

01

Cóntame o grupo

Localidade, idades ou cursos, participantes e datas. Se aínda non sabes as quendas que precisas, propoño unha organización.

02

Recibe unha proposta

Concretamos actividade, número de sesións, duración e prezo. O orzamento recolle os materiais e o desprazamento que corresponda.

03

Pechamos os detalles

Acordamos a data, os horarios e o espazo. Nos centros, tamén coordinamos o acompañamento do profesorado segundo a idade do grupo.

Preparamos unha proposta para o teu grupo

Completa os datos principais e cóntame o que tedes en mente. As cantidades poden ser aproximadas e non precisas ter unha data pechada.

Os campos con * son obrigatorios.

    Separa os grupos por curso ou idade. Nas actividades en familia, indica tamén os acompañantes.

    Se prefires escribir por correo: info@pidopapas.com. Indica localidade, cursos, participantes e datas.